Thursday, October 28, 2010
အဲယားကွန်း၊ ရေခဲသေတ္တာ ပစ္စည်းအတုများ ဈေးကွက်သို့ ဝင်ရောက်လာ
ပြည်တွင်း
အီလက်ထရောနစ် ဈေးကွက်အတွင်းသို့ လွန်ခဲ့သောနှစ်များ ကတည်းက
နယ်စပ်ဝင်ပေါက်များမှ တရားမဝင် တံဆိပ်အတု ပစ္စည်းများ အများအပြား
ပုံမှန်ဝင်ရောက် နေသော်လည်း ယခုလပိုင်း အနည်းငယ်၌ DVD ၊ VCD ၊ TV
ပစ္စည်းများအပြင် ရေခဲသေတ္တာ၊ အဲယားကွန်းများလည်း အများအပြား
ဈေးကွက်အတွင်းသို့ ဝင်ရောက်လာကြောင်း သိရှိရပါသည်။ ဈေးကွက်အတွင်းရှိ
ရေခဲသေတ္တာနှင့် အဲယားကွန်းပစ္စည်း အတုများနှင့် ပတ်သက်၍ “အရင်နှစ်တွေကဆိုရင်
ကျွန်မတို့ အီလက်ထရောနစ် ဈေးကွက်ထဲကို တံဆိပ်အတုတွေ၊ ပစ္စည်းအတုတွေ
တရားမဝင် တင်သွင်းလာတဲ့ လိုင်စင်မဲ့ ပစ္စည်းဖြစ်တဲ့ DVD ၊ VCD ၊ TV
ပစ္စည်းတွေကိုပဲ တင်သွင်း ရောင်းချနေရာကနေ အခုလပိုင်းတွေမှ စပြီးတော့
နာမည်ရပြီးသား အီလက်ထရောနစ် ပစ္စည်းဖြစ်တဲ့ အဲယားကွန်း၊ ရေခဲသေတ္တာ
ပစ္စည်းတွေကိုလည်း တံဆိပ်အတုတွေ ပြုလုပ်ပြီးတော့ တင်သွင်းရောင်းချနေတာ
ရှိလာပါပြီ” ဆမ်ဆောင်းကုမ္ပဏီမှ ဈေးကွက်မန်နေဂျာက
သုံးသပ်ပြောကြားခဲ့ကြောင်း ၂၀၁၀ ခုနှစ် အောက်တိုဘာလ ၂၉ ရက်နေ့ထုတ် Bi
Weekly Eleven ဂျာနယ်တွင် ဖော်ပြထားပါသည်။
Subscribe to:
Post Comments (Atom)
No comments:
Post a Comment