Monday, November 1, 2010
နိုဝင်ဘာလကုန်တွင် တစ်ခါသုံး ဂျီအက်စ်အမ် Prepaid ကတ်များ ရပ်ဆိုင်းတော့မည်
ဈေးကွက်အတွင်း
လက်ရှိအသုံးပြုလျက်ရှိသော တစ်ခါသုံး ဂျီအက်စ်အမ် Prepaid ကတ်များအား
လာမည့် နိုဝင်ဘာလကုန်တွင် အသုံးပြုခွင့် ရပ်ဆိုင်းတော့မည် ဖြစ်ကြောင်း
သိရသည်။ ကျပ်ငါးသိန်းတန်ဖုန်းများ အသုံးပြုခွင့် ရရှိခဲ့သည့်
နောက်ပိုင်းတွင် ဈေးကွက်အေးလာခဲ့သော တစ်ခါသုံး ဂျီအက်စ်အမ် Prepaid
ကတ်များအား ထပ်မံထုတ်လုပ်ခြင်း မရှိတော့ပဲ လက်ရှိဈေးကွက်အတွင်းတွင်
အသုံးပြုရောင်းချလျက် ရှိသော ကတ်များအားလုံးကို လာမည့် နိုဝင်ဘာလကုန်ထိ
နောက်ဆုံးထား အသုံးပြုခွင့်ရရှိမည် ဖြစ်ကြောင်း သိရသည်။ ယင်းဂျီအက်စ်အမ်
တစ်ခါသုံးကတ်များမှာ လက်ရှိအချိန်တွင် ဈေးကွက်အတွင်း၌ ရှားပါးလာခဲ့ပြီး
အသုံးပြုသူ အများအပြား မရှိတော့ပဲ ပြည်တွင်းမှ အသုံးပြုသူ
အနည်းငယ်ခန့်နှင့် ပြည်ပနိုင်ငံများမှ အလည်အပတ် လာရောက်ကြသော
နိုင်ငံခြားသား ဧည့်သည်များသာ အများဆုံးအသုံးပြုလျက် ရှိကြောင်း သိရသည်။
လက်ရှိအချိန်တွင် ဈေးကွက်အတွင်း၌ အဆိုပါကတ်များအား ၀ယ်ယူရောင်းချမှု
နှုန်းမှာလည်း ဈေးကွက် အေးလျက်ရှိပြီး အသုံးပြုမှု နည်းပါးလာခဲ့ပြီ
ဖြစ်ကြောင်း ၂၀၁၀ခုနှစ် နိုဝင်ဘာ ၂ ရက်နေ့ထုတ် Flower News ဂျာနယ်တွင်
ဖော်ပြထားပါသည်။
Subscribe to:
Post Comments (Atom)
No comments:
Post a Comment