Wednesday, October 27, 2010
အက်ဖ်အီးစီ နှစ်ဆယ်တန်ဖုန်းကတ်များ ရောင်းချခြင်း ခေတ္တရပ်ဆိုင်း
တစ်လသက်တမ်းသာရှိသော
အက်ဖ်အီးစီ ၂၀ တန် တစ်ခါသုံး ဂျီအက်စ်အမ် ဖုန်းကတ်များအား နိုဝင်ဘာ ၁၅ ရက်
နောက်ပိုင်းမှစ၍ အသုံးပြု၍ မရနိုင်တော့ကြောင်း အဆိုပါ ဖုန်းကတ်များအား
ကိုယ်စားလှယ်ရယူ၍ ရောင်းချပေးနေသော Elite ကုမ္ပဏီမှ တာဝန်ရှိသူတစ်ဦးက
ပြောသည်။ “မြန်မာ့ဆက်သွယ်ရေးက System Upgrade လုပ်ဖို့အတွက် ခဏရပ်မှာပါ”ဟု
အဆိုပါ တာဝန်ရှိသူက ဆိုသည်။ ထို့ကြောင့် ယခုရက်ပိုင်းမှစ၍ အက်ဖ်အီးစီ ၂၀
တန် တစ်ခါသုံး ဖုန်းကတ်များ ရောင်းချခြင်းကို ရပ်ဆိုင်းထားပြီး ဖြစ်ကြောင်း
သိရသည်။ သို့သော် အချိန်မည်မျှကြာအောင် ရပ်ဆိုင်းထားမည်ကို
မသိရှိရသေးကြောင်း Elite ကုမ္ပဏီမှ တာဝန်ရှိသူက ပြောသည်။ သို့သော်
အက်ဖ်အီးစီ ၅၀ တန် သုံးလသက်တမ်းရှိ စီဒီအမ်အေ ၄၅၀ ဖုန်းကတ်များကိုမူ
ဆက်လက်ရောင်းချ ပေးသွားမည် ဖြစ်သည်ဟု ၄င်းကဆက်လက် ပြောကြားခဲ့ကြောင်း ၂၀၁၀
ခုနှစ် အောက်တိုဘာလ ၂၈ ရက်နေ့ထုတ် 7 Day News ဂျာနယ်တွင် ဖော်ပြထားပါသည်။
Subscribe to:
Post Comments (Atom)
No comments:
Post a Comment