ပြည်တွင်းဝက်ဘ်ဆိုက်
တစ်ခုဖြစ်သော Myanmar IT Development (www.mmitd.com) ၀က်ဘ်ဆိုက်အတွင်းရှိ
အသင်းအဖွဲ့တချို့ကို အောက်တိုဘာ ၁၅ ရက်နေ့တွင် တိုက်ခိုက်ခံရကြောင်း
၎င်းဝက်ဘ်ဆိုက်ပေါ်တွင် ဖော်ပြထားသည်။ ထိုသို့ တိုက်ခိုက်ခံရမှုကြောင့်
ဆိုက်အတွင်းရှိ အဖွဲ့ဝင်များမှ ပြုလုပ်ထားသော အဖွဲ့များဖြစ်သော ပရဟိတ၊
ပရိုဂမ်းမင်း၊ ဖေ့စ်ဘွတ်၊ c#၊ Gtalk group နှင့် အခြားသော အရေးပါသော
အဖွဲ့အစည်းများ ပျက်စီးခဲ့ရသည်ဟု သိရှိရသည်။ အင်တာနက် ၀က်ဘ်ဆိုက်
အသုံးပြုသူများ အနေဖြင့် လုံခြုံရေးပိုင်းဆိုင်ရာ
သတိထားရမည့်အချက်များနှင့် ပတ်သက်၍ “လျှို့ဝှက် ကုဒ်နံပါတ်ကို
တစ်ဖက်လူဘက်မှ ခန့်မှန်းလို့ မရအောင် နံပါတ်တွေ စာလုံးသေးကြီးတွေ ရောပြီး
password ကို strong and safe ဖြစ်အောင် ပြုလုပ်သင့်တယ်”ဟု Media Lane ၏
Founder & Director ဖြစ်သူ ဦးဖြိုးမင်းမင်းက ပြောသည်။ Hackers များသည်
အသုံးပြုသူများအား ဦးစားပေး တိုက်ခိုက်လေ့ရှိပြီး ထိုမှတစ်ဆင့်
ဆိုက်တစ်ခု၏ လုံခြုံရေးကို ၀င်ရောက် တိုက်ခိုက်လေ့ ရှိကြောင်းလည်း
သိရှိရသည်။ “သုံးစွဲသူတွေအနေနဲ့ ကိုယ့်ရဲ့ passwords တွေကို ဖြစ်နိုင်ရင်
အမြဲတမ်းလိုလို ဒါမှမဟုတ် တစ်လ သို့မဟုတ် နှစ်လတစ်ခါ လုံခြုံမှုရှိဖို့အတွက်
ပြောင်းသင့်တယ်။ နောက်ပြီး password ပေးပြီးသားတွေကို ထပ်မပေးမိဖို့လည်း
လိုအပ်တယ်။ account password တွေအားလုံးကို ဆင်တူပေးထားရင် ဟက်ကာတွေက
လွယ်လွယ်ကူကူပဲ ကိုယ့်ရဲ့ member ၀င်ထားတဲ့ account တွေအားလုံးကို
ဝင်ရောက်နိုင်တယ်”ဟု Software Advisor တစ်ဦးဖြစ်သူ ကိုအောင်ဟိန်းမြတ်က
ပြောသည်။ အင်တာနက်အသုံးပြုသူများအနေဖြင့် လုံခြုံစိတ်ချမှု ရှိသည့်
ဆိုင်များကို ရွေးချယ်အသုံးပြုရန်လိုအပ်ပြီး ဆိုင်ကိုလည်း
အမြဲလိုလိုပြောင်းလဲ အသုံးပြုသင့်ကြောင်း၊ social နှင့် business အတွက်
အီးမေးလ်များကိုလည်း ခွဲထားသင့်ကြောင်း ၂၀၁၀ ခုနှစ် အောက်တိုဘာ ၂၉
ရက်နေ့ထုတ် မြန်မာတိုင်း(မ်)ဂျာနယ်တွင် ဖော်ပြထားပါသည်။
Subscribe to:
Post Comments (Atom)
No comments:
Post a Comment