အားလုံးရေခဲတွေနဲ့တည်ဆောက်ထားတဲ့မီးထွန်းပွဲတော်ကတော့ တရုတ်ပြည်နယ်မြောက်ပိုင်း
ဟေးလုံးကျန်းပြည်နယ် ဟာ့ပင်းမြို့မှဖြစ်ပါတယ်။ နှစ်စဉ် ဇန်န၀ါရီလလယ်မှ
ဖေဖော်ဝါရီလလယ်အထိ ပွဲတော်ကျင်းပလေ့ရှိပါတယ်။ ကျွန်မတို့သွားခဲ့တာက ၂၀၀၈
ဇန်န၀ါရီလကဆိုတော့ ဓါတ်ပုံတွေက နဲနဲတော့ကြာနေပါပြီ။ အဲဒီအချိန်က အအေးဆုံးအချိန်ပါ
အနှုတ် ၃၀ လောက်အထိအေးပါတယ်။ ညဘက်မှာမှ အဲဒီနေရာက စည်ကားပါတယ်။
လူတွေအများကြီးလာကြည့်ကြတယ်။ နောက်ထပ် တစ်နေရာမှာတော့ နှင်းတွေနဲ့ထုထားတဲ့
နှင်းပန်းပုတွေပြတဲ့ နေရာတစ်ခုရှိပါသေးတယ်။ အဲဒီကလက်ရာတွေကတော့ အနုစိတ်လွန်းပြီး
အရမ်းလှတယ်။ ရုရှားကပညာရှင်တွေနဲ့ပူးပေါင်းပြီး ပြုလုပ်တယ်လို့သိခဲ့ရပါတယ်။
နှင်းပန်းပုပုံတွေကို သီးသန့်ပို့စ်တစ်ခုနဲ့တင်ပေးပါ့မယ်။ သိပ်အေးလွန်းလို့
ဓါတ်ပုံရိုက်ရခက်တယ်။ လက်အိတ်တွေအထပ်ထပ်နဲ့ ကင်မရာကိုကိုင်ရတာ မလွယ်ပါဘူး။
နောက်ပြီး ကင်မရာထဲကဓါတ်ခဲက အဲဒီလောက်အအေးဒဏ်ကိုမခံနိုင်ပါဘူး။
ဘတ်ထရီချက်ခြင်းကျသွားတယ်။ ကင်မရာကိုပူအောင် ပြန်လုပ်လိုက်ရင် ခဏပြန်ရိုက်လို့ရတယ်။
လူတွေကလဲ အဲဒီလောက်အေးနေတာကို အကြာကြီးမခံနိုင်ဘူး။ ကော်ဖီဆိုင်လေးတွေရှိပါတယ်။
အဲဒီဆိုင်လေးတွေထဲကို ခဏခဏပြေးဝင်ပြီး တစ်ခွက် တစ်ယွမ် တန်တဲ့ ကော်ဖီကို ၁၅
ယွမ်ပေးပြီးသောက်ရပါတယ်။ ကျွန်မတစ်သက်မှာ အအေးဆုံးခရီးစဉ်လို့
မှတ်တမ်းတင်ရမှာဖြစ်ပါတယ်။
No comments:
Post a Comment